改變你一生的鏡子?!

HALO...你地好呀=]
我依排係百忙之中睇左一本書。
佢吸引我既地方係唔單只係個封面，
而係佢個故事情節都好吸引我。
向大家介紹《鏡之法則》。
********************************************************
主角：榮子係優太既媽咪，而矢口就係榮子丈夫既朋友。
而內客大慨係：
因為優太係學校遇到同學既排斥，但係佢又唔同榮子講出感受，
令到榮子非常憂心。
但係就因為今次優太比同學排斥，
令榮子有一百八十度既轉變。
********************************************************
嘿嘿，結局就等各位慢慢去細味喇！
如果我講左比你聽個結局係點，咁就冇哂癮喇，係咪？！
我睇完之後，真係有好大既感觸。
因為平日原來我地同一d親密既人一齊既時候，如：父母
我地對佢地既態度，就有部份會反射係你同其他人一齊時既態度。
有時，我地對對方不瞅不睬，對對方黎講，
可能係一件痛苦既事。
所以，其實為左自己或者係對方既心靈健康，
誤會都係講清楚好d喇！
另外，如果睇完依篇文章既你，
對某些人產生左d誤會既話，
希望你會原諒佢所做過既事，甚至對你既傷害。
因為書裡面講到：要得到真正既幸福，你要去原諒對方對你既傷害。
********************************************************
向你介紹《鏡之法則》既係圖書館閱讀大使 CIRCLE 。